Rollo Mou

-Toy desesperau, Reinerio.

-¿Entós?

-¿No ves que nun ligo un pijo?

-Normal, Josinacio. ¡Menos Mahou y más Mou!

-¿Cómo ye ho?

-Déjate de tanta birra y vete de sobrau. ¡Yes un ganador natu!

-¿Un qué ho?

-Tienes que creételo, les muyeres güelen la inseguridad a kilómetros.

-Ya, pero...

-Yes muy parau, Josinacio, con esi rollu Pichi Lucas nun te vas a comer ná.

-¿Y qué quiés que faga?

-Pon cara zamarro, Josín, morbosón, ¡con personalidad!

-Ah. ¿Y entro-y a la rubia?

-Nomenó. ¡La morena, céntrate en la morena!

-¿Por?

-Porque tien Económicas, Derecho y Relaciones Laborales.

-¿Y a mí qué?

-¡Títulos, Josinacio! ¡Conquistar títulos! Rollo Mou, coño.

-Ay, amigo... ¿Voy a hablar con ella?

-Quietín aquí atrás, en la barra, ultradefensivu y tal.

-Pero entós...

-¡Chissst! Vamos da-y una lección táctica de flipar, ¿oíste?

-¿Acércome o no?

-Cuando ella suba al váter sales tú al contraataque.

-¿Qué quies, que-y coma la oreya?

-Sí, pero provocando, ¿oíste?

-¿Cómo ye ho?

-Arrímeste sigilosu y llámesla gochonzona.

-¿Pa qué ho?

-Pa que ella vaya rucando, Josinacio.

-Ah. Y luego, en la intimidad...

-Dices-y que tás excitau como un tifosi, ¡Y sacas la azzurra!

-¿La churra?, ¿¿¿cómo voy sacar la churra??? ¡qué animalón yes!

-La azzurra ye la selección italiana, ho. Si saques esi tema...

-Tás liándome, Reinerio. Duélme to, ¡hasta el zapatu!

-Rollo Mou, ¡Confía en la plantilla! ¿No ye transpirable?

-Gontumadre, Reinerio... ¡Ya no sé ni de qué me hables!

-Si me faes casu, ¡acabáis gozando en el prau!

-¿Dónde ho?

-Tú das-y un revolcón y luego, si quier, que te ponga los aspersores.

-¿Los qué ho?

-¡Que te quiten lo bailao, Josinacio!

-Reinerio, nun me marees. ¿Nun ves que no soy estratega?

-¡Hay que ser finu, Josín! Con les muyeres nun pués dir de prubín.

-Yo muévome como Chayanne.

-Elles lo que quieren ye alguien competitivu, con personalidad.

-Meca, ahí vien la morena. ¡Quier hablar contigo!

-¿Con... conmigo?

-Sí, venga, demuestra-y lo que vales, ¡rollo Mou!

-Hosti... que vien pacá...

-Pero Reinerio... Para, ¿ónde vas?

-A... A... A mexar.

www.parandoenvillalpando.com